Hogeita hamar liburu baino gehiago ilustratu ditu eta literatura-unibertsoari estuki lotuta dago. Aitziber Alonsoren lanaren motorra, beste guztiaren gainetik, irudiak duen komunikatzeko gaitasuna ustiatzea da.
Egileak berak uneren batean barrokotzat jo duen estilo batez jantzita, ikusten ditugu irudiak aribidean dagoen narrazio baten eszenak dira, non egiazkoa alegiazkoak eskaintzen dituen aukera ugarietako bat baino ez den.
Amets baten oihartzun moduko bat. Bere osagai guztiak bereizita zerrenda ditzakegu baina espazioan agertzen duten antolaerak sintaxi berri bat sortzen du, arrotza eta aldi berean ezaguna suertatzen zaigun hizkuntz berri bat.